1. MARKA APONTAMENTU HO UNIDADE MOBILIZASAUN TRABALLADOR

Saida mak atu lori : Pasaporte

2. APONTAMENTU HO MÉDIKU STAMFORD

Saida mak atu lori : Pasaporte, Istoria médikal, Oklu/lensa hodi hare nian, Lori osan cash USD295 hodi selu

3. REZULTADU BA ITA BO’OT NIA EXAME MEDIKAL

PERGUNTAS NE’EBÉ BAIN-BAIN IHA

1. Tansa mak hau tenki halo exame médiku?

• Departementu Assuntu Internu Australia nian defini katak exame médiku presija atu halo aplikasaun visa. Aplikante visa hotu ne’ebé hela iha Timor-Leste ne’ebé hakarak halo viajem ba Australia liu husi fulan 5 presija exame médiku.

2. Oinsa sei karik hau hala’o servisu durante fulan 5 ou menus?

• Ita bo’ot la presija atu halo exame médiku. Maibé, SEFOPE iha polítika katak traballador labele halo viajem karik isin rua no presija traballador feto hotu tenki halo teste isin rua durante semana ida ne’ebé atu halo viajem ne’e.

3. Tansa mak hau tenki ba iha klínika médiku Stamford?

• Departementu Assuntu Internu Australia nian desidi klínika ida ne’ebé iha mundu mak bele halo exame médiku ba visa nian. Abilidade espesialista, software ba komputador no presija kualifikasaun hodi bele hetan autorizasaun. Laiha klínika seluk iha Timor-Leste ne’ebé agora daudaun hetan autorizasaun.

4. Tanba sa mak nia kustu USD295 hodi halo exame médiku?

• Exame ne’ebé mak hala’o ne’e, ekipamentu espesialista no ekipa ne’ebé presija hodi halo no fo sai resultadu ne’e karun tebes. Aplikante ba visa hotu ne’ebé halo exame médiku hodi hela temporariu iha Australia selu kustu ne’ebé hanesan, tantu visa ba serbisu, visita ou estudante.

5. Se mak sei fo sai hau nia resultadu no bainhira?

• Ofisiais Departementu Assuntu Internu Australia nian sei halo desizaun ba ita bo’ot nia resultadu no fo sai. Doutor iha Stamford labele halo desizaun, sira fornese deit input no evidensia husi ita bo’ot nia exame, x-ray no teste sira. Ita bo’ot nia resultadu sei hetan iha loron 10 tempu serbisu nian depois de teste ne’e no sei haruka email ba ita bo’ot ou LSU mak sei representa ita bo’ot. LSU sei kontaktu ita bo’ot wainhira ita bo’ot nia resultadu iha ona.

6. Oinsa sei karik hau presija teste adisional? Kustu hira mak presija tan? Presija tempu hira?

• Se karik ita bo’ot presija tan teste tuir mai LSU sei akonselha ita bo’ot hodi fila fali ba Stamford hodi hetan esplikasaun. Maioria, teste tuir mai hanaran teste ba kabén tasak. Etapa ida ne’e presija atu fornese sampel kaben tasak ba Stamford durante loron tolu tutuir malu. Ida ne’e sei la kustu buat ida. Resultadu sei la hetan durante semana 14 konforme kresimentu teste ba kabén ne’e. Teste ne’e hodi hare ita bo’ot karik hetan ou hetan hela moras Tuberculoze.

7. Oinsa karik antes ne’e hau hetan moras Tuberculoze?  Ne’e sinifika katak hau labele hetan visa? 

• Se ita bo’ot hetan Tuberculoze ativu, ita bo’ot imediatamente refere ba tratamentu ho nune’e moras ne’e bele kontrola. Wainhira hetan ona kontrola, ita bo’ot sei hetan pedidu hodi halo teste tuir mak mak teste ba leno hirus matan ou chest x-ray hodi hare karik ita bo’ot nia kondisaun iha ona mudansa no stabil hela. Se karik ita bo’ot hetan ona Tuberculoze antes ne’e, dalaruma ita bo’ot sei hetan pedidu hodi hein ba periodu ida depois halo chest x-ray hodi hare liu tan ita bo’ot nia kondisaun hetan ona mudansa durante tempu ne’e. Dalaruma ida ne’e lori tempu naruk, maibé dalaruma mós ita bo’ot bele passa hodi hetan visa. Ita bo’ot sei hela iha Work Ready Pool to’o ita bo’ot hetan rekerementu saúde.

8. Saida mak esforsu saúde?

• Ne’e hanesan kontratu ida ne’ebé ita bo’ot tenki assina,  ne’ebé mak hatete katak ita bo’ot sei kontaktu BUPA medikal wainhira to’o iha Australia no atende klínika iha Australia ho nune’e ita bo’ot nia kondisaun ne’e bele hetan monitorizasaun no evaluasaun. Ne’e obrigatoriu. Se karik ita bo’ot la assina kontratu ne’e, ita bo’ot sei la permiti hodi hetan visa. Karik ita bo’ot la kontaktu no la atende audiensia wainhira iha Australia, ita bo’ot nia visa dalaruma bele kansela. Ita bo’ot mós sei presija atu informa ita bo’ot nia empregador ho nune’e ita bo’ot bele aranja loron feriadu iha ita bo’ot nia serbisu.

9. Tanba sa no oinsa hau halo teste ba isin rua nian?

• SEFOPE rekere traballdor feto hotu hodi halo teste ba isin rua nian iha semana ida ne’ebe atu halo viajem ba Australia. Stamford bele fornese teste ba isin rua nian ho kustu US$10. Maibé, SEFOPE dalaruma bele permiti professional médiku seluk hodi fornese teste ne’e.

10. Oinsa karik hau iha dúvidas ba hau nia resulta-10 du médiku no teste adisional?

• Ita bo’ot bele husu Stamford hodi ajuda esplika teste adisional ne’ebé mak ita bo’ot halo ona. Ou ita bo’ot dalaruma bele direitamente kontaktu ema ne’ebé halo desizaun ba visa no hare ba ita bo’ot nia aplikasaun visa liuhusi email.

NOTAS:

Komportamentu Apropriadu iha Médiku Stamford nian. Favor nota katak SEFOPE nia kodigo konduta ba traballdor aplika ba traballador nia komportamentu iha médiku Stamford nian. Favor kumpri Kodigude Konduta ne’e.

SE LA HETAN RESPOSTA NE’EBE MAK ITA BO’OT HAKARAK? FAVOR HARUKA EMAIL BA enquiries.lsu.tl@gmail.com
Edifisiu Mobilizasaun Traballador, Becora

Atu hatene informasaun klaru liu favor download SEFOPE nia factsheet 3 – Exame Médiku ba Visa Australian nian Kona-ba Programa Traballador Sazonal informasaun iha karaik:

Download PDF