Selesaun hotu ba traballador sazonal orientadu husi demanda, ne’e signifika katak empregador husi Australia mak desidi kona-ba sira nia traballador, laos SEFOPE.

1. REJISTRASAUN NO TESTE

• Traballador ba rejistu, tuir teste no karik susesu sira muda ba area pronto serbisu ou WORK READY POOL

WORK READY POOL hanesan base de dadus traballador nian. Ne’e inklui dadus pessoal, resultadu teste ba kondisaun fíziku no Ingles no ‘perfil’

2. EMPREGADOR HUSI AUSTRALIA ENVIA PEDIDU TRABALLADOR NO ‘KRITERIA’ BA SEFOPE

• Pur exemplu: traballador 20, 50% feto, Ingles A, as 160cm +.

3. SEFOPE ENVIA KRITERIA BA BASE DE DADUS WORK READ POOL

• ne’ebé mak inklui lista naruk traballador nian. Lista ne’e mak haruka ba empregador.

4. INTERVISTA

• Depois ne’e empregador Australia halo intervista ou hili traballador husi sira nia perfil. Sira hili ‘lista Badak shortlist’ ne’ebé mak inklui númeru traballador ne’ebé mak sira presija no mós reserva balun.

Empregador dalaruma halo intervista ba traballador husi lista naruk ne’ebé iha. Intervista hirak ne’e hanesan intervista ba servisu nian no bele akontese online (via skype) ou pessoal karik empregador ne’e mai Timor-Leste.

5. CHECK UP MÉDIKU

• Lista Traballador ne’ebé tama ba shortlist-lista badak sei hetan kontaktu husi SEFOPE hodi lori dokumentus no hala’o teste saúde ba kontratu liu husi tinan 5.

Traballador hirak ne’ebé fila ona sei hala’o mós prosesu teste saúde no apliksaun visa nian pelu menus sira iha vistu ba tinan barak.

6. SUBSTITUISAUN

• Ba sira ne’ebé mak la passa teste saúde sei hetan troka husi sira ne’ebé mak iha lista (hare factsheet Medical ba informasaun liutan). Empregador hili traballador husi sira nia lista reserva, laos SEFOPE.

7. REZULATDU FINAL

• Lista ikus sei aprova husi empregador. Lista ne’e sei haruka ba Diretór Gerál no Sekretáriu Estadu SEFOPE hodi hetan sira nia aprovasaun. Wainhira aprova hotu LSU sei kontaktu traballadores no halo prosesu hodi prosesa visa ba traballadores. Somente kuandu ezame médiku, visa no kontratu kompleta ona mak IKUS ba prosesu hodi ba serbisu.

Dalaruma Empregador sei halo mudansa ba traballador iha lista final nian ou traballador sei la hetan visa Australia nian. Ne’e signifika katak sira sei la hetan serbisu ne’e hodi labele ba serbisu iha Australia. SEFOPE labele kontrola ida ne’e.

SEFOPE
Direcção Nacional Emprego Exterior
Australian Labour Mobility Office, Becora

enquiries.lsu.tl@gmail.com

Atu hatene informasaun klaru liu favor download SEFOPE nia factsheet 2 – Prosesu Selesaun Kona-ba Programa Traballador Sazonal informasaun iha karaik:

Download PDF