Government of Timor-Leste

SEFOPE

Direccao Nacional Emprego Exterior

SEFOPE-DNEE hala’o enkontru téknika ho ekipa KAK

Foto ekipa SEFOPE-DNEE no KAK halo enkontru téknika iha Caicoli, Dili

Foto ekipa SEFOPE-DNEE no KAK halo enkontru téknika iha Caicoli, Dili

 

Iha loron 05 Outubru 2020, SEFOPE-DNEE hala’o enkontru téknika ida ho ekipa Komisaun Anti Korupsaun (KAK) ne’ebé lidera husi Adjuntu Komisariu KAK iha salaun enkontru gabinete SEFOPE, Caicoli, Dili.

Iha enkontru ida ne’e, KAK halo aprezentasaun ba sira nia relatóriu monitorizasaun ba prosesu selesaun kandidatu traballadór sazonál Munisípiu Dili nian ne’ebé hala’o husi loron 21 Setembru to’o 9 Outubru no 19 to’o 23 Outubru 2020 iha Sentru Formasaun Akademia PNTL Comoro. Aprezentasaun ne’e foka liu ba ekipa KAK sira deskobrimentu no rekomendasaun. Depois de aprezentasaun ne’e remata, kontinua kedas ho diskusaun ba rekomendasaun ida-idak hodi hetan pareser no klarifikasaun husi ekipa SEFOPE-DNEE. Liuhosi diskusaun ne’e ekipa KAK no SEFOPE konsege hetan konkordansia ba rekomendasaun balun ne’ebé SEFOPE-DNEE konsidera atu hadi’a iha prosesu selesaun tempu oin-mai. Ekipa KAK mós konsege hetan resposta balun ne’ebé responde duni sira nia preukupasaun.

Enkontru ne’e, taka ho hasai foto hamutuk.

Remata!

DNEE, Becora, Dili