SEFOPE liu husi Direção Nacional Emprego Exterior hakarak komunika ba kandidatu sira ne’ebé aplika ba programa PLS nia Sistema Work Ready Pool katak rezultadu ba faze dauluk Avaliasaun Aplikasaun kompleta ona.

Iha faze tuir mai, DNEE hakarak konvida ita boot sira ne’ebé liu faze avaliasaun aplikasaun ne’e hodi mai tuir teste Inglês no entrevista.

Ba Teste Ingles sei akontese iha loron 15 – 16 Fevereiru, 2022 hahu’u husu tuku 08:30 – 17:00, fatin iha STVJ Camea, Becora, Dili, Timor-Leste.

Atu hatene ini nia rezultadu no orariu ba teste bele klik iha mensajem tuir mai ne’e: rezultadu selesaun aplikasaun ba kandidatu PLS no orariu ba teste Ingles.

 Atu bele fasilita prosesu sira ne’e lao ho efetivu no transparante, ekipa DNEE-LSU kria rekezitus partisipasaun ba kandidatu traballador sira hanesan tuir mai ne’e:

a) Pontualidade – kandidatu tenke too iha fatin tuir orariu nebe’e aviza ona.

b) Proibidu ba kandidatu sira utiliza telefone iha fatin teste nian – Tenki taka ka tau iha silensiu. Wainhira hetan utiliza telefone durante izame, sei   hapara teste no la hetan valor ba lian-Ingles.

c) Kandidatu tenki lori lapizeira (kor Azul) wainhira ba tuir teste.

d) Sasan hotu nebe’e lori, inklui pasta, livru ka buat sira seluk tan, tenki rai iha kadeira nia okos.

e) Tenki kumpre instrusaun tomak ekipa organizador hato’o. Sira nebe’e maka kontra no halo barullo durante teste sei hasai husi prosesu no sei hapara husi teste.

f) Tenki uja roupa formal – lapermite uza sinelus ka hatais ropa naklees.

g) Tenki lori eleitoral ka BI original – Ne’e sei utiliza ba identifikasaun identidade kandidatu sira.

h) La-permite familia ka kolega akompana iha prosesu teste Ingles ne’e – so kandiatu maka sei bele tama ba fatin teste.

i) DNEE-LSU sei la fo’o toleransia ba kandiatu sira ke to’o tarde, la-kumpre rekizitus sira mensiona ona iha leten.

j) Respeita medidas prevensaun COVID-19

o   Kandidatu hotu tenke lori maskara.

o   Molok atu tama ba salaun teste, kandidatu hotu tenke disinfekta sira nia liman (organizador sei prepara disinfekta/hand-sanitizer).

o   Durante prosesu teste tomak manten distansia social minimu metru 1 entre ema ida ho ida seluk.

Obrigada wain ba ita boot sira nia atensaun

Data: 08 Fevereiru, 2022

Aprova husi

Filomeno Soares

Diretur DNEE