SEFOPE liu husi Direção Nacional Emprego Exterior hakarak fó hatene ba públiku katak agora dadaun Timor-Leste hetan tan fiar husi governu no empregador iha Australia hodi haruka traballador sazonal ba servisu iha Teritoriu Norte, Australia ba periudu  ku’u Lakeru no Melaun. Agora dadaun DNEE simu ona pedidu husi kompañia 2 atu kontaktu sira nia traballador tuan no husu DNEE atu rekomenda lista kandidatu foun hamutuk 184 ba empregador. 

Kriteriu ne’ebé kompañia fó atu DNEE selesiona kandidatu foun mak hanesan tuir mai ne’e:

• • Mane
  • Rezultadu Teste físiku – A (Tenki Forte)
  • Rezultadu Teste Ingles preferensia – A (avancado/ diak liu), se karik la iha bele konsidera rezultadu B (diak)
  • Kandidatu balun tenki aprezenta Karta Kondusaun (B1=Kareta, C1=Kareta Bot (Bus bot no truk)
  • Kandidatu tenke moris no hela duni iha munisipiu (la inklui kandidatu ne’ebe moris no hela iha Dili)

Kandidatu sira ne’ebé prienxe kriteria iha leten, sei tuir teste fiziku espesifiku ne’ebé empregador defini no mos sei atende entrevista ho empregador. So sira ne’ebé liu etapa rua ne’e maka sei hetan oportunidade hodi ba servisu iha Australia.                  

Ho ida ne’e, ami hakarak husu nafatin ba kolega traballador sira ne’ebé agora iha Sistema Work Ready Pool DNEE nian atu labele taka ka hamate ita boot sira nia telefone. Karik tama iha kriteria ne’ebé define iha leten ami sei halo kontaktu iha 48 oras nia laran.

Mak ne’e deit informasaun ba ita bo’ot sira nia atensaun lahaluha hato’o obrigado wain.

Dili, 1 Fevereiru 2021

Diretur DNEE

Filomeno Soares

LSU la atende dereitamente, maibe bele atende liu husi portal DNEE(www.dnee.sefope.gov.tl) no mos email(enquiries.lsu.tl@gmail.com).