Government of Timor-Leste

SEFOPE

Direccao Nacional Emprego Exterior

MKAE-SEFOPE ABERTURA PREPARATÓRIU KURSU MOBILIDADE LABORÁL IHA CNFP-TIBAR

Tibar, 15 Novembru 2021- Ministru Koordenadór Asuntu Ekonomiku Joaquim Amaral akompaña mós husi Sekretáriu Estadu Formasaun Profisionál no Empregu Alarico de Rosario, reprezenta Embaixadór Australia ohin abertura Preparatoriu Kursu Mobilidade Laborál iha CNFP-Tibar.

Iha diskursus Diretór Diresaun Nasionál Empregu Exteriór Filomeno Soares hateten objektivu abertura kursu preparatoriu mobilidade laborál ida ne’e, atu prepara ita nia kandidatu traballadór sira ne’ebé naran iha ona sistema work ready pool ninia kapasidade ho di’ak antes tama ba servisu iha Austrália.

Nia afirma inisiativa ba hala’o aktividade ida ne’e, SEFOPE atraves liu-husi Diresaun Nasionál Empregu Exteriór, ne’ebé servisu hamutuk ho WDPTL no PLF, dezembolve kursu ida ne’e atu bele prepara kandidatu traballadór sira nia nivél koñesimentu ho di’ak liután, nune’e bele responde ba demanda merkadu traballu husi Australia persiza.

Diretór ne’e mós esplika progrma ida ne’e hanesan programa pilotu ida ne’ebé ita hahú implementa iha sentru formasaun Tibar hodi haruka kandidatu traballadór ne’ebé naran tama ona iha sistema work ready pool husi Munisípiu Liquisa na’in 40 hodi mai tuir formasaun ho durasaun fulan ida.

Nia hatutan, karik iha programa pilotu ida ne’e hatudu rezultadu ne’ebé di’ak, SEFOPE planu atu loke kursu ne’e ba iha rejiaun rua seluk hanesan, rejiaun Leste iha sentru formasaun CDC Baucau, no rejiaun Oeste iha sentru Formasaun CTC Sale, nune’e bele akumula joven sira ba tuir kursu preparatoriu ida ne’e.

Ikus Diretór Diresaun Nasionál Empregu Exteriór ne’e mós, alerta ba kandidatu traballadór na’in haat-nulu ne’ebé hetan oportunidade husu programa pilotu ida ne’e, atu aproveita ho didi’ak hodi aprende, tanbá ida ne’e sei ajuda tebes ita boot sira uainhira hetan oportunidade servisu.

Obrigado!

Media – DNEE

LSU, Becora, Dili