1.    Kontinua rekrutamentu ba kandidatu traballador SWP iha Liquica no Oe-Cusse

Iha fulan Jullu, ekipa DNEE hala’o sesaun informasaun ba kandidatu traballdor sira iha Munisípiu Liquica no Oe-Cusse ho objetivu atu hasa’e kandidatu traballador sira nia koñesimentu kona-ba programa servisu sazonal ka SWP iha Austrália no nia prosesu rekrutamentu sira, inklui oinsá atu prienxe perfíl aplikasaun traballador nian. Totál partisipante iha Liquica hamutuk na’in 923 (feto: 341 & mane: 618 ) no iha Oe-Cusse partisipante hamutuk na’in 553 ( feto: 85 & mane: 468 ).

Ekipa DNEE mós rekolla partisipante sira nia avaliasaun no komentariu iha kada eventu refere. Rezultadu hatudu katak maioria (90%) husi partisipante sira konkorda katak eventu ne’e ajuda tebes sira hodi hasa’e sira nia koñesimentu konaba programa mobilidade laboral no sira hatene kritéria no prosesu rekrutamentu.

“Ha’u apresia tebes ba programa mobilidade laboral Austrália tamba sei hadi’a ami  nia familia nia moris wainhira hetan oportunidade, no bele hatún númeru dezempregu iha Munisipiu Liquica” [kandidatu traballador ida husi Liquica]

2.    DNEE-LSU kompleta nia planu Loron 100

Iha fullan Jullu nia laran mós, DNEE-LSU hala’o worshop hodi sosializa no kompleta planu loron 100 ba funsionáriu sira iha LSU. Objetivu husi worshop ne’e atu diskuti kle’an kona-ba knár no responsabilidade kada ekipa hodi ezekuta programa prioridade ida-idak uza instrumentu Project Management Tracker.

3.    Enkontru kordenasaun ho stakeholder sira

Programa Korea: Iha fulan Jullu nia laran, DNEE hala’o enkontru koordenasaun ho MNEC, Airline, Alfandega, PNTL, no Ministériu Saúde hodi ko’alia kona-ba oinsá preparasaun atu evakua traballador sira husi Korea ne’ebé maka atu fila fali mai Timor-Leste, inklui evakuasaun mate isin Timor-an ida ne’ebé mate iha Korea.

Programa Austrália: Diretór DNEE mós partisipa iha enkontru koordenasaun entre SEFOPE, DFAT, WDPTL, no PLF hodi ko’alia kona-ba asuntu servisu sira iha programa mobilidade laboral Austrália nian. Asuntu imporante ne’ebé diskuti durante enkontru ne’e inklui atualizasaun servisu SEFOPE no DNEE nian ba programa ML, servisu DFAT ba programa ML, atualizasaun númeru traballador no sira nia kondisaun iha Austrália, kestaun traballador sira ne’ebé halai sai husi programa laboral (absconders), preparasaun atu simu traballador sira ne’ebé atu fila fali mai Timor.

Atulizasaun dadus traballador: