Programa Pilotu Akompañamentu Família (Family Accompaniment) oferese oportunidade ba traballadór nain 200 ne’ebé iha kontratu serbisu tempu naruk husi nasaun lima inklui Timor-Leste, atu lori sira-nia família ba Austrália. Programa ne’e nia objetivu mak atu redus impaktu sosiál negativu sira ne’ebé afeta ba família traballador sira nian.
Faze primeiru husi programa refere implementa tiha ona iha inisiu tinan 2024, no agora iha prosesu atu implementa faze segundu nian. Ho nune’e SEFOPE liu husi Direçao Nacional De Emprego Estrangeiro, hakarak konvida família husi traballador eskema PALM tempu naruk nian atu mai partisipa iha sesaun informasaun kona-ba Programa Pilotu Akompañamentu Família nian iha:
Loron :Kinta Feira
Data :11 Julho 2024
Oras :8:30AM – 13:30PM
Fatin : Beach Garden, Pantai Kelapa (Besik Ministériu Negosio Estrangeiro)
Sesaun informasaun neé sei kobre:
- Informasaun kona ba pilotu hodi ajuda familia foti desizaun
- Kustu moris iha Austrália;
- Aplikasaun no prosesu selesaun;
- Apoiu bem-estar ba familia sira.
Tuir mai, favór hare lista naran traballador ne’ebé elijivél ba Programa Pilotu Akompañamentu Família iha aneksu.
Click iha nee hodi hare naran: Workers List Who Can Send Family for Briefing Session
Husu ba família (kaben, parseiru/a) sira favór bele hare traballador sira-nia naran iha lista ne’ebé mak fó sai ona iha leten, atu bele kontaktu ba Diresaun Nacional De Emprego Estrangeiro, liu husi numeru +670 78579278 hodi konfirma kona-ba Ita-boot sira nia partisipasaun.
Mak neé no obrigado wain ba imi hotu nia koolaborasaun.
Díli, 4 Jullu 2024
Aprova husi:
Sr. João Correia Pereira
Diretór Nasional Empregu Estranjeiru
