SEFOPE, liu husi Direcao Nacional Emprego Exterior (DNEE) hakarak informa ba kandidatu 2081 husi Sistema Work Ready Pool ne’ebe’ taka sai naran atu tuir prosesu Avaliasun Lian Ingles (entrevistas), iha fulan Novembru 2022, katak resultadu prontu ona no hanesan deskreve tuir mai.

Klik iha link tuir mai hodi hare naran;  English Assessment – Candidates List

Prosesu Avaliasuan nia kriteriu ne’ebe’ aplika atu hetan resultadu hirak ne’e maka:

1. Komprende no koalia ho lian Ingles, no

2. Abilidade atu explika experiensia servisu ho forma estruturadu/ organizadu no relevante

Resultadu husi avaliasaun ida ne’e organiza kandidatu sira tuir nivel 4:

1. ABSENT – La tuir prosesu avaliasaun, no la kontatu LSU atu explika tansa la tuir. Kandidatu hirak ne’e sei inativa iha sistema no la oferese oportunidade ruma.

2. NI (Need Improvement/ Presiza Hadia) – la konsegue koalia, explika ka hatudu komprensaun ba pergunta sira. Ekipa rekomenda tuir kursu Ingles intensivu ka buka meius aprende Ingles durante fulan 6. Liu tempu ida ne’e ekipa sei bolu fila fali atu tuir entrevista foun no avalia katak ingles hadia duni – kandidatu sira ne’e sei la hetan oportunidade durante fulan 6, maibe ativu hela iha sistema.

3. PALM SCHEME (S) – hatene lian ingles naton atu bele komprende pergunta sira no responde, maske ho ingles basiku. Maibe sei iha difikuldade ituan responde lais ho forma organizadu. Nune’e hetan avaliasaun C ka C+. Ekipa rekomenda kandidatu sira ne’e atu kontinua mellora ingles, maibe bele rekomenda ba oportunidade se karik mosu.

4. PALM SCHEME (L) – iha komprensaun ingles diak no konsegue fo’o resposta ho forma organizadu no relevante. Nunee hetan avaliasaun B ka A. Bele rekomenda ona ba oportunidade se karik mosu.

Karik iha duvida ka presiza explikasaun ruma favor kontatu ekipa LSU/PLF iha SEFOPE-Becora.

Maka ne’e deit informasaun, ba ita bo’ot sira nia atensaun lahaluha hato’o obrigadu wain.

Dili, 17 Fevereiro 2023

Aprova husi

Filomeno Soares

Diretor DNEE