SEFOPE liu husi Direção Nacional Emprego Exterior (DNEE), hakarak fó hatene ba kandidatus aplikasaun ba vagas ONLINE ba programa PALM semi-skilled nian katak: husi total aplikasaun 55,346 ne’ebe DNEE simu, ekipa halo ona pre-screening ba kandidatus 14,000 ba faze primeiro (I) ne’ebe hetan selesaun hamutuk 2,508 pessoas mak konsidera tama ba iha lista badak hodi tuir prosesu Intervista Lian Ingles no sei falta 41,346 ne’ebe mak sei iha prosesu Pre-Screening ba aplikasaun nian.

Rezultadu final husi intervista Lian Ingles ba kandidatu 2,508 ne’ebe hala’o husi loron 21 fulan Agostu to’o loron 6 fulan Setembru iha Excelsior Resort mak hanesan iha tabela tuir mai ne’e:

Husi kandidatu 2196 ne’ebe mak tuir intervista, klasifikasaun kandidatu tuir abilidade lian Ingles mak hanesan iha tabela tuir mai ne’e:

• Very strong no Strong: konsidera PASSA iha Intervista Ingles ne’e no bele rejistu iha SEFOPE – DNEE nia Sistema Work Ready Pool (WRP), no bele rekomenda hodi hatan ba demanda husi empregador;
• Fair: konsidera PASSA maibe presiza hadi’a sira nia abilidade lian Ingles di’ak liu tan no hatudu provas “Sertifikado Kursu Lian Ingles” husi sentru formasaun sira iha rai laran;
• Poor no Very Poor: konsidera LA PASSA iha teste Intervista Ingles ne’e. Presija ba hadi’a tan Ingles no aplika fali iha tempu oin mai bainhira SEFOPE loke fali vaga foun iha future.

Rezultadu final husi Intervista Lian Ingles ba kada kandidatu nian bele hare iha aneksu: Lista naran rezultado final Intervista lian Ingles.

SEFOPE sei Haruka lista final ne’e ba iha Komisaun Funsaun Publiku atu cross check se funsionariu publiku balun iha lista final ida ne’e no sei tuir regras ne’ebe estabelese entre SEFOPE ho funsaun publiku antes oferese ba Empregadores iha Australia. Regras inklui: Funsionariu permanentes maka aplika ba vaga ne’e tenki hetan lisensa ka ezonerasaun husi funsaun publiku no ba sira ne’ebe aprovadu husi instituisaun relevante no submete ba SEFOPE iha fulan tolu nia laran antes SEFOPE oferese ba vaga Australia nian.

Ba aplikantes 11,492 ne’ebe mak sira nia aplikasaun Avalia ona maibe LA PRIENSE KRITERIA ka LA PASSA iha Selesaun Aplikasaun nian mak hanesan iha lista aneksa: Lista Naran Kandidatu ne’ebe la passa iha Pre-screening ba Aplikasaun iha etapa I (premeiru).

Mak ne’e deit informasaun ba ita bo’ot sira nia atensaun lahaluha hato’o obrigado wain”.

Data, 15/09/2023

  Approva husi:

Filomeno Soares

 Diretur DNEE

Avizu