EZAME REJISTRASAUN SEMESTRE 1

BA ESTUDANTE FOUN IHA KURSU KOREA KSLP, 2025

Hahu husi tinan ida ne’e, KSLP sei simu estudante foun dala 2 kada tinan.

Favor le’e didiak ho atensaun ba informasaun tuir mai, kona ba prosesu ezame rejistrasaun Semestre 1 ninian.

1. Kualifikasaun ba rejistu :

Sira ne’ebé prepara hela atu aplika ezame EPS-TOPIK;

Sira ne’ebé prontu atu tuir aula no regra husi eskola KSLP;

Sira ne’ebé bele le’e no hakerek lian Korea, no liu ona nivel baziku.

• Sira ne’ebé pasa tiha ona EPS-TOPIK, hein hela kontratu ka prosesa hela dokumentus iha Sefope LABELE aplika iha rejistu online – sei iha desvantajen se karik detekta husi sistema ou iha ezame fatin.

2. Oinsa bele rejistu :

Ita bele rejistu liu husi website SEFOPE ofisial; favor prenxe informasaun ho klaru.

KSLP sei loke rejistrasaun online ba na’in 5,400 ‘primeiro a chegar’.

KSLP sei simu estudante na’in 1,650 ne’ebé mak pasa ezame.

• LABELE UZA asentu ka letra portugues wainhira prenxe naran kompletu:

Ez) Conceição (X) → Conceicao (O)

3. Rejistu Online : 10/03~14/03 , bele konfirma oras no fatin ezame depois liu husi avisu.

4. Konfirma ita nia data, oras, no fatin Ezame iha : 20/03~24/03

5. Ezame : 25/03~28/03

6. Lori mai : Kartaun identidade, fotokopia kartaun identidade tahan 1, lapizera, sumbrinha

7. Anunsiu Rezultadu Ezame : 04/04 , iha website ou Facebook SEFOPE

8. Hahu Aula : 07/04 (Segunda-feira)

9. ATENSAUN :

  Kandidatus sira ne’ebé mak mai iha ezame fatin, tenki lori ho kartaun identidade orijinal no fotokopia tahan 1 ho lapizera, no hein iha kampu eskola sorin (= SEFOPE Becora nia sorin) hodi tuir ezame iha salaun ezame iha eskola laran.

Wainhira tama iha salaun ezame laran, kandidatus sira tenki tuir formadores no staff sira husi KSLP.

  Labele lori tama pasta no telefone iha fatin ezame nia laran. Staff sira sei duni sai kandidatus ne’ebé koko cheating ka kopia ema seluk durante ezame.

Sira ne’ebé pasa tiha ona EPS-TOPIK, ka hein hela kontratu, ka prosesa dokumentus ba kontratu LABELE aplika iha rejistu online – sei iha desvantajen ba sira se karik detekta husi sistema ou iha ezame fatin.

Kandidatus ne’ebé pasa ezame rejistrasaun Semestre 1 bele tama aula iha 07/04 depoisde rezultadu taka sai.

Estudante sira labele kontinua aula se karik falta liu dala 5 la ho razaun justu durante fulan ida nia laran.

Rejistu online loke dala 1 ba ema 1 de’it – sei hetan desvantajen se karik rejistu empresta ema nia naran ou rejistu dobel (dala 2 ba leten).

Kandidatus ne’ebé husu ajuda ba ema seluk hodi atende ninia ezame sei tau naran iha lista blacklist ba tinan 5 iha KSLP, atu nune’e labele tuir ezame & klase.

# Rejistrasaun Semestre 2 sei realiza iha Agostu, no hahu klase iha Setembru

Klick iha nee………..

APPLY AGORA  ||   BA APLIKASAUN HOME PAGE