Traballadór husi eskema PALM ho kontratu tempu naruk ne’ebé foin lalais naran fó sai tiha ona no sira-nia família partisipa ona sesaun informasaun iha Beach Garden dia 11 Julho liu ba, agora bele aplika ba programa ne’e atu bele lori sira-nia família (kaben ka parseira/) ba Austrália.
Aplikasaun sei loke husi loron seguna-feira, 22 Jully to’o loron Sesta Feira, 9 Agostu 2024.
Sé traballadór (ida ne’ebé naran fó sai tiha ona) interese atu partisipa, Ita-boot tenke:
1. Ko’alia ho Ita-boot nia empregadór tanba Ita-boot presiza empregadór nia suporta atu aplika ba Programa Akompañamentu Família;
2. Sé Ita-boot nia empregadór konkorda atu suporta Ita-boot nia aplikasaun, husu empregadór atu imprimi formuláriu aplikasaun liu husi eskema PALM nia website hodi fó ba Ita-boot atu prienxe;
3. Ita-boot tenke prienxe formuláriu refere ho kompletu, asegura katak Ita-boot hatan ba perguntas sira hotu. Entrega formuláriu ne’ebé Ita-boot prienxe tiha ona ho kompletu ba empregadór.
4. Empregadór sei reprezenta Ita-boot hodi aplika ba Programa Akompañamentu Família.

Favór refere ba lista ne’ebé fó sai ona iha loron 4 Julho, 2024 ka bele hare fila fali lista naran iha link tuir mai.
Click iha nee hodi hare naran: List of Eligiblie Workers for Second Round FA Program
Ba informasaun detallu, bele mós vizita website eskema PALM iha link tuir mai:
https://www.palmscheme.gov.au/workers/family-accompaniment-pilot
Favór kontaktu ba numeru +670 78579278 sé karik iha duvidas ruma.
Díli, 22 Jully 2024
Aprova husi:
Sr. João Correia Pereira
Diretór Nasional Empregu Estranjeiru