Traballadór husi eskema PALM, ne’ebé iha kontratu tempu naruk, agora bele aplika atu bele lori sira-nia família ba Australia. Aplikasaun sei loke to’o loron Sesta Feira, 23 Fevereiro 2024.

Sé Ita-boot nudar traballadór husi Timor-Leste no interese atu partisipa, Ita-boot tenke:

1. Hare fila fali kriteria husi programa Akompañamentu Família iha link ne’e:

https://www.palmscheme.gov.au/workers/eligibility -Ita-boot ka Ita-boot nia família prienxe kriteria hirak ne’e?

2. Ko’alia ho Ita-boot nia empregadór. Ita-boot presiza empregadór nia suporta atu aplika, nomós iha kriteria ne’ebé empregadór maka tenke prienxe. Ezemplu; labour hire companies/Ajensia sira la eligí Sé Ita-boot serbisu ba labour hire company/Ajensia, Ita-boot labele/la eligível atu aplika.

3. Sé Ita-boot nia empregadór eligível, no konkorda atu suporta Ita-boot nia aplikasaun, husu empregadór atu imprimi formuláriu aplikasaun liu husi eskema PALM nia website hodi fó ba Ita-boot.

4. Ita-boot presiza prienxe formuláriu refere ho kompletu, asegura katak Ita-boot hatan ba perguntas sira hotu. Entrega formuláriu ne’ebé Ita-boot prienxe tiha ona ho kompletu ba empregadór.

5. Empregadór sei reprezenta Ita-boot hodi aplika ba Programa Akompañamentu Família.

Favór refere ba lista ne’ebé fó sai ona iha loron 1 Dezembru, 2023 iha link tuir mai: https://dnee.sefope.gov.tl/notice/avizu-projetu-pilotu-akompanamentu-familia-family-accompaniment-programa-palm/

Ba informasaun detallu, bele mos vizita website eskema PALM iha link tuir mai:

https://www.palmscheme.gov.au/workers/family-accompaniment-pilot

Empregadór sira presiza submete sira-nia aplikasaun rasik nomós

traballadór nia aplikasaun liu husi eskema PALM https://www.palmscheme.gov.au/. Ba informasaun detallu kona-ba prosesu refere, bele vizita link:

https://www.palmscheme.gov.au/workers/family-accompaniment-pilot.

Programa pilotu ida ne’e sei loke ba total família 200, ne’e signifika katak sei iha tan oportunidade tuir mai iha tinan ida ne’e nia laran ba traballadór sira seluk atu lori sira-nia família ba Australia.

Favór kontaktu ba numeru +670 78579278  sé karik iha duvidas ruma.

avizu

Díli, 29 Janeiru 2023