Sekretária Estadu Formasaun Profissional Empregu (SEFOPE) liu husi Diresaun Nasional Empregu Estranjeiru (DNEE), Sentru Lian Korea Becora (Becora Korean Language Center) hakarak fo hatene ba estudante sira ne’ebe halo tiha ona rejistu online hahu husi loron 10-14/03/2025 bele mai hare naran iha kuadru avisu Diresaun Nasional Empregu Estranjeiru (DNEE) Bekora iha loron 20/03/2025 no bele hare mos pagina ofisial SEFOPE nian.

Lista naran ba teste ne’ebe hetan selesaun liu husi rejistu online, ho total rihun lima atus haat (5400). Teste ba estudante foun Lian Korea sei hahu husi 25-28/03/2025.

Favor le’e ho atensaun buat hirak ne’ebe importante hanesan tuir mai:

1. Favor konfirma ita nia data, oras, no sala teste nian.

2. Tenki mai to’o iha lokál teste ANTES ORAS 1 (iha kampu SEFOPE nia sorin). Maibe, labele to’o mai antes liu, atu nune’e bele evita problema ho tráfiku.

3. Preparasaun: Kartaun Identidade, fotokopia tahan 1, lapizera, sumbriña.

4. Favor hakerek fila fali ita nia naran, numeru kartaun ID, telefone, no email iha foto kopia nia kraik.

5. Labele atende teste se karik mai tarde.

6. Sei deskualifika ema ne’ebe kopia malu durante teste.

7. Rezultadu teste sei fo sai iha loron 04 fulan Abril tinan 2025 iha WEBSITE SEFOPE no kuadru aviso DNEE.

click hodi hare naran no data teste: 2025 KSLP 1st Exam Lista 5400 – Sefope Naran

Ba estudante sira ne’ebe la liu iha primeira selesaun bele preparaan hodi tuir fali segunda selesaun ba estudante Kursu lian Korea ne’ebe sei hahu fali iha fulan Setembru tinan 2025 iha Sentru Lian Korea Becora (Becora Korean Language Center).

Ne’e maka informasaun ne’ebe ami hakarak hato’o.

Ba imi nia komprensaun no kolaborasaun la haluhan hato’o agradese wain.

Dili, 19/03/2025

Aprova husi

Sr. João Correia Pereira

Diretur Diresaun Nasional Empregu Estranjeiru (DNEE)