SEFOPE- DNEE atu informa ba kandidatu “Seasonal Worker Program” (SWP) sira husi Munisipiu Dili, ne’ebe passa ona teste fiziku ho “VALOR A no B” iha tinan 2020, fatin Akademia Polisia Komoro, atu identifika ita-boot sira nia NUMERU SERIAL no ORARIU atu mai tuir TESTE INGLES.

Ekipa SEFOPE-DNEE sei organiza Izame Lingua Ingles refere tuir numeru serial ho loron ne’ebe aloka ona.  Izame ne’e sei hahu husi loron 14 – 16 Dezembru 2021. Fatin: Salaun “Instituto Nacional de Formação de Docentes e Profissionais (INFORDEPE)”, Risentu INFORDEPE, Balide, Dili (Iha Eskola Sekundaria 4 Setembru nia sorin).

Favor konfirma ORARIU no Rekezitu Partisipasaun iha Teste hanesan tuir mai ne’e.

Obrigado wain ba ita-boot sira nia atensaun no kolaborasaun.

Orariu no Tempu

Bele click hodi haree ita boot sira nia numeru serial, loron no oras teste iha nee: Numeru Serial No Orariu

Rekezitus Partisipasaun Kandidatu Sira iha Teste Inglês

Atu bele fasilita prosesu sira ne’e lao ho efetivu no transparante, ekipa DNEE-LSU kria rekezitus partisipasaun ba kandidatu traballador sira hanesan tuir mai ne’e:

a.     Pontualidade – kandidatu tenke too iha fatin tuir orariu nebe’e aviza ona.

b.     Proibidu ba kandidatu sira utiliza telefone iha fatin teste nian – Tenki taka ka tau iha silensiu. Wainhira hetan utiliza telefone durante izame, sei   hapara teste no la hetan valor ba lian-Ingles.

c.      Kandidatu tenki lori lapizeira (kor Azul) wainhira ba tuir teste.

d.     Sasan hotu nebe’e lori, inklui pasta, livru ka buat sira seluk tan, tenki rai iha kadeira nia okos.

e.     Tenki kumpre instrusaun tomak ekipa organizador hato’o. Sira nebe’e maka kontra no halo barulho durante teste sei hasai husi prosesu no sei hapara husi teste.

f.       Tenki uja ropa formal – lapermite uza sinelus ka hatais ropa naklees.

g.     Tenki lori eleitoral ka BI original – Ne’e sei utiliza ba identifikasaun identidade kandidatu sira.

h.     Lori ka lembra nafatin numeru serial ba prosesu indetifikasaun nian.

i.       La-permite familia ka kolega akompana iha prosesu teste Ingles ne’e – so kandiatu maka sei bele tama ba fatin teste.

j.       DNEE-LSU sei la fo’o toleransia ba kandiatu sira ke to’o tarde, la-kumpre rekizitus sira mensiona ona iha leten.

k.      Respeita medidas prevensaun COVID-19

o   Kandidatu hotu tenke lori maskara.

o   Molok atu tama ba salaun teste, kandidatu hotu tenke disinfekta sira nia liman (organizador sei prepara disinfekta/hand-sanitizer).

o   Durante prosesu teste tomak manten distansia social minimu metru 1 entre ema ida ho ida seluk.

Obrigado wain ba ita-boot sira nia atensaun no kolaborasaun.

SEFPE-DNEE, Dili, Timor-Leste