SEFOPE-DNEE atu loke rekrutamentu foun ba Programa Pacific Labour Scheme (PLS) nia Work Ready Pool (WRP). Aplikasaun sei liu husi prosesu Online no sei loke husi loron 17 Setembro to’o 15 Outubro 2021 durante fulan ida.
Rekrutamentu ida ne’e sei buka identifika kandidatus ba industia sira tuir mai:
- Meatworks (Serbisu koa-naan)
- Peskas(Tasi)
- Akuakultutra
- Hospitalidade
- Agrikultura/Holtikultura/Floresta
- Trades (e.g. Kontrusaun, Mekanuniku Diesel, Eskavadores, Brick-layers, Karpinteiru, etc.)
Iha fase ida ne’e DNEE desidi loke oportunidade uluk ba graduadu sira husi Centru Formasaun ne’ebe Akreditadu iha SEFOPE; ho ida ne’e husu ba formandu sira ne’e be interesadu aplika atu kontaktu ba ita bo’ot sira nia Centru Formasaun ida-idak hodi hetan informasaun klean liu tan ho karta rekomendasaun ne’e be tenki anexu ba aplikasaun.
SEFOPE-DNEE sei la simu aplikasaun sira ne’e be mai husi publiku em geral ka Centru Formasaun ne’e be seidauk hetan akreditasaun iha SEFOPE. No sei la simu mos aplikasaun ruma ne’e be mai entrega direta iha edifisio Becora.
Bazeia ba kolaborasaun entre SEFOPE liu husi DNEE ho TVET ka Centru Formasaun akreditadu sira, SEFOPE-DNEE sei haklean liu tan kolaborasaun servisu iha futuru relasiona ho programas mobilidade Laboral.
SEFOPE-DNEE, hamutuk ho Centru Treinamentu akreditadu sira sei simu aplikasaun gratuitu (la selu osan). Karik ema ruma uza oportunidade ne’e hodi halo kobransa illegal sei regula tuir lei ne’e be mak vigor iha ita nia rain.
Bele hare liu husi matadalan link ida ne’e: Guideline for Applicants – PLS Online Application
karik ita boo’t prontu ona bele click iha link ida ne’e: PLS Timor-Leste Online Application Home Page
Se karik iha perguntas ruma bele kontaktu ami liu husi email: enquiries.lsu.tl@gmail.com
Obrigado barak ba ta boot sira nia atensaun no kolaborasaun.
Sesta-Feira 17 de Setembro 2021
Filomeno Soares
Diretor DNEE
Karta Offisial – PLS WRP 2021
