Sekretária Estadu Formasaun Profissional Empregu (SEFOPE) liu husi Diresaun Nasional Empregu Estranjeiru (DNEE), Sentru Lian Korea Becora (Becora Korean Language Center) hakarak fo hatene ba estudante sira ne’ebe halo tiha ona rejistu online hahu husi loron 03-05/09/2025 bele hare naran, oras no aula teste nian iha FACEBOOK no website Diresaun Nasional Empregu Estranjeiru (DNEE) hodi hare naran no orariu teste nian.
Lista naran ba teste ne’ebe hetan selesaun liu husi rejistu online ho total rihun neen atus tolu (6300). Teste ba estudante foun Lian Korea sei hahu iha loron 15-18 fulan Setembru tinan 2025.
Favor le’e ho atensaun buat hirak ne’ebe importante hanesan tuir mai:
- Favor konfirma ita nia data, oras, no sala teste nian.
- Tenki mai to’o iha lokál teste ANTES ORAS 1 (iha kampu SEFOPE nia sorin). Maibe, labele to’o mai antes liu, atu nune’e bele evita problema ho tráfiku.
- Preparasaun: Kartaun Identidade, fotokopia tahan 1, lapizera, sumbriña.
- Favor hakerek fila fali ita nia naran, numeru kartaun ID, telefone, no email iha foto kopia nia kraik.
- Labele atende teste se karik mai tarde.
- Sei deskualifika ema ne’ebe kopia malu durante teste.
- Rezultadu teste sei fo sai iha loron 04 fulan Abril tinan 2025 iha WEBSITE SEFOPE no kuadru aviso DNEE.
Ba estudante sira ne’ebe la liu iha selesaun daruak nian bele preparaan hodi tuir fali selesaun dahuluk ba estudante Kursu lian Korea ne’ebe sei hahu fali iha fulan Marsu tinan 2026 iha Sentru Lian Korea Becora (Becora Korean Language Center).
Click hodi Haree naran data, oras, sala no nu Kadeira teste nian : naran data, oras, sala no nu Kadeira teste nian
Ne’e maka informasaun ne’ebe ami hakarak hato’o. Ba imi nia komprensaun no kolaborasaun la haluhan hato’o agradese wain.
Dili, 10 Setembru 2025
Aprova husi
Sr. João Correia Pereira
Diretur Diresaun Nasional Empregu Estranjeiru
