Saida  mak Programa Traballador Sazonal Australia ne’e?

Programa ne’e estabelese husi Governu Timor-Leste no Australia atu fornese oportunidade hodi hetan abilidade foun no poupa osan husi serbisu iha periodu badak iha industria ortikultura no ospitalidade. Nune’e mós fornese traballador ba empregador sira iha Australia wainhira sira labele hetan traballador rai nain hodi atende sira nia nesesidades.

Programa ne’e jere husi Diresaun Nacional Emprego Exterior iha SEFOPE. Ekipa funsiunariu SEFOPE nian iha Unidade Mobilizasaun Traballador (LSU) jere programa ne’e ho apoiu husi ekipa adidu traballador Timor-Leste ba Australia.

Seremonia assinatura Nota de Intendementu (MoU) – 2011 : Entre Governu Timor-Leste no Governu Australia iha loron 1 Dezembru 2011

Traballador timor oan 12 ba serbisu iha Australia – 2012 : Hodi serbisu iha seitór ospitalidade iha Broome, Western Australia

> 1600 traballadores serbisu iha Australia – 2019

Perguntas ne’ebe normalmente iha

1. Oinsa ha’u bele rejistu ba programa ne’e?

SEFOPE loke rejistrasaun foun iha kada munisípiu de- pende ba empregador nia pedidu. Iha eventu ne’e traballador sira submete dokumentus ba rejistrasaun depois hala’o teste sériu ida. Ba hirak ne’ebé passa sei kompleta ‘perfil’ no ba iha work ready pool hodi tama ba selesaun kandidatu husi empregador Austra- lia nian. Rejistrasaun SEI LA LOKE iha kualker tempu.

2. Abilidade saida deit  mak ha’u presija?

Traballador tenki iha saúde diak, iha idade entre 21-45, ho abilidade Inglés diak no komportamentu no étika serbisu ne’ebé exelente. Abilidade nessesariu balun ba serbisu espesífiku ruma hanesan sofér, op- erasaun forklift.

3. Hodi periodu hira ba serbisu ne’e?

Ne’e bele iha periodu entre fulan 6 to’o tinan 5 ba traballador ne’ebé mak passa teste iha inísiu ba work ready pool, depois disponivel ba empregador hodi halo selesaun ba serbisu. Ema balun ne’ebé hala’o teste iha inísiu dalaruma nunka hetan selesaun tanba dalaruma sira la preenche kriterias empregador nian iha Australia. Kuandu empregador ida indika hateten katak sira hakarak emprega ita bo’ot ne’e dalaruma lori tempu hodi prepara dokumentus, kompleta teste médiku, verifikasaun polísia no tarefas seluk.

4. Saida  deit  mak inklui iha teste médiku?

Traballadores hotu ho kontratu liu husi fulan 5 tenki kompleta Ezame Médiku hodi hetan Vistu hodi bele ba Australia. Kustu ba halo teste kompletu mak $295 no traballador sira tenki selu kustu ne’e. Ne’e obriga- toriu ba Visa Australia nian, SEFOPE labele halo mu- dansa ba ida ne’e. Teste médiku balun presija teste tuir mai tan inklui Tuberculoze. Teste ne’e bele lori tempu to’o fulan 5.

Ba rekerementu ruma kona-ba Programa Traballador Sazonal, favor haruka email ou visita Direcção Nacional Emprego Exterior Edifísiu Mobilizasaun Traballador iha Becora.

Edifísiu SEFOPE iha Becora : Segunda – Sexta feira

Tuku 8 dader- 12 meudia  :  Serbisu internal (la loke ba públiku)

Tuku 2 – 5.30 loraik :    Atendementu públiku

Email: enquiries.lsu.tl@gmail.com : Resposta sei fo iha loron 3

Etapa 5 ba Programa Traballador Sazonal

1. REJISTRASAUN

• Kompleta kriteria elijibilidade
• Submete dokumentus (kualifikasaun edukasaun, kartaun ID, karta kondusaun, teste karakterístiku, kartaun evidencia SEFOPE, sertifikadu treinamentu ruma)
• Rejistradu husi ekipa Unidade Mobilizasaun Traballador

2. TRIAJEM/SELESAUN

• Teste fíziku
• Avaliasaun Inglés
• Teste daltóniku/buta warna

3. AREA PRONTU SERBISU

• Kompleta perfíl pessoal (resumu, foto, pasaporte, dokumentus edukasaun)
• Dalaruma bele asesu treinamentu kona-ba abilidade prontu serbisu, ezemplu Inglés

4. REKRUTAMENTU

• Empregador haruka pedidu no kriteria traballador ba LSU
• LSU haruka lista naruk ne’ebé foti husi base de dadus
• Empregador selekta lista ikus no kandidatu reserva, intervista bele hala’o ONLINE ou HASORU MALU

5. TESTE MÉDIKU NO

• Traballador assina karta oferta serbisu
• LSU fasilita instrusaun antes viajem (PDB) no teste médiku (hare Factsheet 3)
• LSU submete ita bo’ot nia aplikasaun visa
• Kuandu visa hetan vistu, empregador haruka ita bo’ot nia bilhete mai

SERBISU IHA AUSTRALIA

Atu hatene informasaun klaru liu favor download SEFOPE nia factsheet 1- Programa Servisu Sazonál nia informasaun iha karaik:

Download PDF